Ed Harris

Ed Harris
L'actor y director cinematografico estausunidense Ed Harris, en una imachen de 2017.
Información cheneral
Nombre real	Edward Allen Harris
Calendata naiximiento:	28 de noviembre de 1950
Puesto naiximiento:	Englewood (Nueva Jersey, Estaus Unius)
Ocupación:	Actor Director cinematografico
Alma Máter	Universidat de Columbia Universidat d'Oklahoma Instituto d'as Artes de California
Pai:	Robert L. "Bob" Harris
Mai:	Margaret Sholl
Conchuche:	Amy Madigan ​(1983-)
Fillos:	1
Premios Oscar
Premio Oscar a lo Millor Actor: -2001: Nominau por Pollock Premio Oscar a lo Millor Actor Segundario: -1995: Nominau por Apollo 13 -1999: Nominau por The Truman Show -2003: Nominau por The Hours
Globos d'Oro
Premio Globo d'Oro a lo Millor Actor Segundario: -1999: por The Truman Show -1990: Nominau por Jacknife -1996: Nominau por Apollo 13 -2003: Nominau por The Hours Premio Globo d'Oro a lo Millor Actor en Miniserie de Televisión u Telefilm: -2006: Nominau por Empire Falls Premio Globo d'Oro a lo Millor Actor Segundario en Serie de Televisión, Miniserie u Telefilm: -2013: por Game Change
Premios BAFTA
Premio BAFTA a lo Millor Actor Segundario; -1999: Nominau por The Truman Show -2003: Nominau por The Hours

Ed Harris (nombre artistico d'Edward Allen Harris), naixiu d'Englewood (Nueva Jersey, Estaus Unius) o 28 de noviembre de 1950, ye un actor y director cinematografico estausunidense, activo en o cine estausunidense dende meyaus d'os anyos 1970 y con cuantos premios y nominacions recibius mientres a suya carrera cinematografica.

D'entre la suya filmografía como actor, pueden mencionar-se bellas cintas a on i ha treballau, como Under Fire (1983, Roger Spottiswoode), Alamo Bay (1985, Louis Malle), The Abyss (1989, James Cameron), The Firm (1993, Sydney Pollack), Just Cause (1995, Arne Glimcher), Absolute Power (1997, Clint Eastwood), Enemy at the Gates (2001, Jean-Jacques Annaud), A History of Violence (2005, David Cronenberg), Appaloosa (2008, Ed Harris), Gravity (2013, Alfonso Cuarón), Rules Don't Apply (2016, Warren Beatty), Resistance (2020, Jonathan Jakubowicz), u How to Make a Killing (2026, John Patton Ford).

Premios

Premios Oscar

L'actor Ed Harris recibió una nominación a lo Premio Oscar a lo Millor Actor en 2001 mientres a 73^ena edición d'os Premios Oscar por o suyo papel de "Jackson Pollock" en a cinta Pollock, dirichida por él mesmo.

En a categoría d'o Premio Oscar a lo Millor Actor Segundario, recibió tres nominacions: en 1995 (68^ena edición) por a interpretación de "Gene Kranz" en a cinta Apollo 13, dirichida por Ron Howard; en 1999 (71^ena edición) por o suyo personache de "Christof" en The Truman Show, dirichida por Peter Weir; y en 2003 (75^ena edición) por o papel de "Richard 'Richie' Brown" en The Hours, dirichida por Stephen Daldry.

Premios BAFTA

Fue nominau dos vegadas a lo Premio BAFTA a lo Millor Actor Segundario: en 1999 en a 52^ena edición d'os Premios BAFTA por o papel de "Christof" en The Truman Show, que heba dirichiu Peter Weir; y en 2003 (56^ena edición) por o papel de "Richard 'Richie' Brown" en The Hours, dirichida por Stephen Daldry.

Premios Globos d'Oro

Recibió un Premio Globo d'Oro a lo Millor Actor Segundario en 1999 mientres a 56^ena edición d'os Premios Globos d'Oro por o papel como "Christof" en a cinta The Truman Show, dirichida por Peter Weir. Tamién recibió atras tres nominacions a ista mesma categoría d'os Globos: en 1990 (47^ena edición) por o papel de "Dave" en Jacknife, cinta dirichida por David Jones; en 1996 mientres a suya 53^ena edición por a suya interpretación de l'astronauta "Gene Kranz" en a cinta Apollo 13, dirichida por Ron Howard; y l'anyo 2003 en a 60^ena edición d'os Globos por o papel de "Richard Brown" en The Hours, dirichida por Stephen Daldry.

En 2006 (63^ena edición d'os Globos d'Oro) fue nominau a lo Premio Globo d'Oro a lo Millor Actor en Miniserie de Televisión u Telefilm por o papel de "Miles Roby" en a miniserie de televisión Empire Falls, dirichida por Fred Schepisi.

Tamién ganó un Premio Globo d'Oro a lo Millor Actor Segundario en Serie de Televisión, Miniserie u Telefilm en 2013, mientres a 70^ena edición d'os Globos, por a suya interpretación d'o politico "John McCain" en Game Change, un telefilm dirichiu por Jay Roach.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Ed Harris.

Vinclos externos

• Se veigan as imáchens de Commons sobre Ed Harris.
• (en) Ed Harris en Internet Movie Database.
• (en) Ed Harris en Internet Broadway Database.

• Datos: Q104791
• Multimedia: Ed Harris / Q104791