The Sixth Sense
The Sixth Sense (títol orichinal en anglés, en aragonés O seiseno sentiu, estrenada en Aragón con o suyo títol traduciu enta lo castellano como El sexto sentido) ye una cinta de cine de drama d'intriga fantastica de cine estausunidense estrenada l'anyo 1999, dirichida por M. Night Shyamalan seguntes un guión orichinal d'él mesmo, con una banda sonora orichinal de James Newton Howard, una dirección de fotografía de Tak Fujimoto y una producción cinematografica a lo cudiau de Frank Marshall, Kathleen Kennedy y Barry Mendel ta las productoras Hollywood Pictures, Spyglass Entertainment, The Kennedy/Marshall Company y Barry Mendel Productions. Fan parte de l'elenco d'actors d'a cinta, entre d'atros, Bruce Willis, Toni Collette, Olivia Williams, Haley Joel Osment, Donnie Wahlberg, Glenn Fitzgerald, Mischa Barton, Trevor Morgan, Bruce Norris, Angelica Page, Greg Wood, M. Night Shyamalan, Peter Tambakis y Jeffrey Zubernis.
Malcolm Crowe ye un psicologo de Philadelphia especializau en nino. Bel día, de rapiconte, dentra en a suya casa Vincent Grey, un antigo pacient suyo, que l'acusa d'esgar en o suyo tractamiento y d'haber-lo albandonau y dispara contra él. Tiempo dimpués prencipia a treballar con Cole Sear, un nino de 9 anyos d'edat que li fa remerar a Vincent, y quiere tractar-lo bien en sentir-se culpable d'esgar con Vincent y amás porque creye que ixo li fará recuperar a buena relación con a suya muller Anna, que dende s'amuestra distant con él. Lynn, la mai de Cole, ye bien amuinada por as prebas de danyo fisico que amuestra su fillo, y iste s eveye acosau por bels companyeros de clase. Finalment, Cole li confiesa a Malcolm que de vegadas veye personas muertas, y lo psicologo creye que ye un caso d'esquizofrenia y decide deixar o tractamiento. Taniientres, cuan ye escuitando una gravación d'una sesión con Cole, escuita clarament a voz d'un hombre que charrando en castellano demana aduya, pero sabe que en a canbra a on se i fació la gravación no bi heba garr atra persona. En ixe momento para cuenta de que Cole li deciba la verdat y decide aduyar-lo. Cole prencipia a contactar con falleixius que li demanan aduya, y lo fa, como cuan salva a una nina de morir asasinada por su mai que ya heba asasinau a su chirmana mayor sin estar descubierta. Tamién aduya a su mai, a qui finalment tamién ha confesau lo suyo secreto, a trobar paz en a relación con l'avuela muerta. Finalment, tamién aduya a lo propio Malcolm.
A cinta s'ambienta en a suya epoca actual (1999) en a ciudat de Philadelphia (Pennsilvania) y las suyas escenas se filmoron en Chicago (