Plouared

Plouared
Ar maerdi.
Anv gallek (ofisiel)	Plouaret
Bro istorel	Treger
Melestradurezh
Departamant	Aodoù-an-Arvor
Arondisamant	Lannuon
Kanton	Plouared (betek 2015) Plistin (abaoe 2015)
Kod kumun	22207
Kod post	22420
Maer Amzer gefridi	Annie Bras-Denis 2020-2026
Etrekumuniezh	Lannuon-Treger Kumuniezh
Bro velestradurel	Bro Treger ha Goueloù
Lec'hienn Web	(fr)plouaret.fr
Poblañsouriezh
Poblañs	2 237 ann. (2023)
Stankter	75 ann./km²
Douaroniezh
Daveennoù lec'hiañ	48° 36′ 45″ Norzh 3° 28′ 16″ Kornôg
Uhelderioù	kreiz-kêr : 122 m bihanañ 84 m — brasañ 190 m
Gorread	29,98 km²
Plouared

Plouaret zo ur gumun e Breizh, e Bro-Dreger, e departamant Aodoù-an-Arvor. Penn kanton e oa betek 2015.

Douaroniezh

• E kreiz Treger Vras emañ.

Dezougen

• 
  An ti-gar.
• 
  Un tren er porzh-houarn.

• War al linennoù hent-houarn Lannuon Plouared ha Brest Roazhon emañ Plouared.

Anv

• Parrochia Plebis Barbate (1330) ; Ploearmet (1441) ; Plebs Barbata (1444) ; Ploearneth (1505) ; Ploearet (1554) ; Plouaret (1596).

Ardamezioù

 Sourinet etre aour ha sabel, e grenn-gonk brizhet etre argant ha gul.

Istor

Dispac'h Gall

• En Eskopti Treger edo Plouared a-raok an Dispac'h, en Eskopti Sant-Brieg ha Landreger emañ abaoe 1790.

XX^vet kantved

Brezel-bed kentañ

• Mervel a reas 148 gwaz abalamour d'ar brezel hervez monumant ar re varv, eleze 5,04 % ag ar boblañs hervez an niveradeg bet graet e 1911; c’hwec’h anezhe a varvas pe a yeas diwar wel e Belgia e penn-kentañ ar brezel: en Arsimont e voe lazhet ur soudard eus an 41vet Rujumant Troadegiezh d’an 21 a viz Eost1914, e Maissin d’an 22 ez eas diwar wel daou soudard eus an 19vet Rujumant Troadegiezhha lazhet e voe tri soudard eus an hevelep rujumant; d’an 22 a viz Ebrel 1915 e Boezinge e Flandrez ez eas diwar wel daou soudard eus an 73vet Rujumant Troadegiezh Tiriadel.

Eil brezel-bed

• Mervel a reas 28 den eus ar gumun abalamour d'ar brezel.
• Un toull-bac'h a oa eno ma veze degaset tud yaouank dastumet gant an Alamaned.

Brezelioù didrevadennañ

Brezel Aljeria

• Mervel a reas ur soudard eus ar gumun d'ar 17 a viz Gwengolo 1959.

Lennegezh

• Meneget eo Plouared er romant Emgann Kergidu.

Monumantoù ha traoù heverk

• 
  Tresaden gant La Messelière

• Delwenn an naerlosteg (amzer galian-ha-roman), bet kavet e kêriadenn Sant-Vaze, a-hed an hent roman.

• 
• 
• 

• Maner Kerepol.

• 
• 
• 

• Maner Kerbridou.

• 
• 
• 
• 
• 

• Maner Gwernanchane.

• 
  Fañch an Uhel.

• Delwenn Fañch-Mari an Uhel

• 
  Tresadenn gant La Messelière
• 
• 
• 
• 

• Iliz katolik Intron-Varia, XVI^vet kantved, gotek.

• 
• 

• Chapel Santez Barba, XVI^vet kantved.

• 
• 

• Feunteun Sant Yann.
• Monumant ar re varv el leurgêr e-kreiz ar vourc'h, luc’hskeudennoù ha kartenn-bost.
• Aouriflammoù ar re varv (1914-1918) en iliz katolik.

Melestradurezh

Listenn maered Plouared
Mare		Anv	Strollad	Karg
2014	bremañ	Annie Bras	PS
2001	2014	Christian Le Fustec	PCF
1986	2001	Robert Le Hec'h	PCF	kuzulier departamant (1992-2001)
1977	1986	Norbert Le Jeune	PCF	kuzulier departamant (1951-1976)
N'eo ket anavezet c'hoazh an holl fedoù.

Brezhoneg

Panell degemer divyezhek.

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.

Ya d'ar brezhoneg

• D’an 12 a viz Ebrel 2007 e oa bet votet ar garta Ya d'ar brezhoneg gant kuzul-kêr ar gumun.
• D'an 30 a viz Eost 2019 eo bet roet al label Ya d'ar brezhoneg live 1 da Blouared. Al live 2 oa bet roet ivez d'ar gumun.

Emdroadur ar boblañs abaoe 1962

Niver a annezidi

Tud

Tud bet ganet eno

• Gwion Pont-Gwenn, floc'h ouzh Emgann an Tregont.
• Olier hag Alan Keranrais, flec'h ouzh Emgann an Tregont.
• Gwilherm Koedmohen, ganet er c'hastell Guernachanae. Kiniad meur ouzh iliz-veur Landreger; Chaloni iliz-veur Itron-Varia Pariz; rener Kevrenn Gwirioù Pariz; diazezour Skolaj-meur Landreger (da zont Skolaj-meur Frañs), an 20 Ebrel 1325.
• (X ?) Gwernachanae, ganet e 132, eskob Kernev, kaset da Zol dindan Yann an Alouber.  
• Ao. de Robien, istorour.
• Erwan Hernod, kizeller (Plouared, 1829 / *** ?)
• Pierre Luyer (Plouared, 30.09.1752 / *** ?). en eus skrivet "Réflexions sur le catéchisme de Tréguier"
• Fañch-Mari an Uhel (Plouared, hirie er C'houerc'had, 1821 / Kemper, 1895)
• Emil Nicol, barzh (Plouared, 1867 / *** ?)

Tud beziet eno

• Fañch an Uhel.
• Añjela Duval.

Ardamezeg ar familhoù

	Calloët Aotrounez Keriavily En aour e dreustell en glazur, leinet gant ur voualc'henn ivez en glazur.
	Gwernachanay
	Keramborgne Aotrounez al lec'h se En gul e helm war dreuz en aour, heuliet gant teir c'hregilhenn en argant
	Keranrais Aotrounez al lec'h se Brizhet etre argant ha gul
	de Kerleau Aotrounez Pontmen ha Guernachanay En glazur e garv en aour ; siell 1452.
	Merien Aotrounez Melchoneg En aour e hoc'h-gouez tremenant en sabel.
	de Pontblanc / Pontguen Aotrounez al lech-se En aour e zek c'hanochenn en sabel, 4, 3, 2, 1

Gevelliñ

•  Iwerzhon : Rath Luirc (1997, a-gevret gant ar C'houerc'had)

Levrlennadur

• (fr)Régis de Saint-Jouan : Dictionnaire des communes du département des Côtes d'Armor. Éléments d'histoire et d'archéologie. Conseil Général des Côtes d'Armor 1990
• (fr)Bernard Tanguy : Dictionnaire des noms de communes, trèves et paroisses des Côtes d'Armor. Origine et signification. ArMen - Le Chasse-Marée. 1992
• (fr)Erwan Vallerie : Diazezoù studi istorel an anvioù-parrez. Corpus. An Here. 1995