klevout

Brezhoneg

Gerdarzh

Tostaat ouzh clywed e kembraeg.

Verb

klevout /ˈkleː.vut/, /ˈklɛ.wːut/ verb kreñv (anv-gwan-verb : klevet) (displegadur)

1. Dont da c'houzout dre ar skouarn pe dre ar fri.
   • [...], e seblant din clevout ar son terrupl [...] — (Alan Dumoulin, Hent ar Barados, 1834, p. 222.)
   • Clevout a reomp sermoniou predicatoret habil ha leun a oaz hag a fervor ; [...] — (Glaoda Marigo, Buez ar Zaent gant reflexionou spirituel, 1846, p. 493.)
   • Selaouit, paotred a Vreizh, hag e klevfot gwell a se ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 130.)
2. Selaou (en doare-gourc'hemenn).
   • Klev 'ta! — (Jules Gros, Le trésor du breton parlé Deuxième Partie, 1970, p. 261.)
   • Klevit 'ta! ma den mat — (Jules Gros, Le trésor du breton parlé Deuxième Partie, 1970, p. 261.)
   • Klevit mat, roue, ... — (Troude ha Milin, Labous ar Wirionez ha Marvailhoù all, Skridoù Breizh, 1950, p. 16.)
   • Klevit, bugale, a-barzh nemeur e vezoc'h hoc'h-unan — (G. MILIN, Gwechall-goz e oa..., Kemper, 1924, p. 3.)
3. klevout sklaer, klevout fall
4. klevout gant unan bennak: klevout trouz, klevout kroz gant ub
5. Klevout un dra bennak
   • Klevet em eus e oa marv.
6. Klevout un dra bennak (ur gaoz, ur gaou) gant unan bennak
   • N'oa ket e c'her peurlavaret gant an tieg kozh ma tigoras an nor ha ma welas ar roue n'oa ket gaou en doa klevet gant e vab. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 13.)
   • klevout e begement
7. klevout unan bennak oc'h ober un dra bennak
   • Klev ar gaoter o sarmon d'ar pouthouarn. — (Jules Gros, Le trésor du breton parlé Deuxième Partie, 1970, p. 233.)
   • Klev an diaoul hag e vevel o c'hoari bouloù. — (Jules Gros, Le trésor du breton parlé Deuxième Partie, 1970, p. 101.)
   • Ne glevez ket an drask oc'h ober lien ? (o kanañ) — (Jules Gros, Le trésor du breton parlé Deuxième Partie, 1970, p. 317.)
   • Me 'glev ar c'hloc'h o tintal an Ave. — (Kousk Breizh-Izel (Kan).)

   ...p'hen klevfet o tiroc'hal ... — (Fañch an Uhel, Kontadennoù ar Bobl/1, Al Liamm, 1984, p. 179.)

8. klevout anv eus un dra pe eus un den
9. klevout ur c'hwezh
10. bezañ mat, trist, ponner da glevout
    • Se a vez ponner da glevet. — (Jules Gros, Le trésor du breton parlé Deuxième Partie, 1970, p. 428.)
11. en em glevout (ha gwelout emglev)

Doareoù-skrivañ all

• klevet

Gerioù kevrennek

• damglevout

Troioù-lavar

• kentañ klevout
• diouzh klevout
• ho klevout

Troidigezhioù

• alamaneg : hören ^(de) , galleg : entendre ^(fr)
• galleg : sentir ^(fr) ; écouter ^(fr) ; s'entendre ^(fr)
• spagnoleg : oír ^(es)