Don Johnson

C'l artìcul chè 'l è scrit in Miranduléś

Donald Wayne Johnson, cgnusû méj cuma Don Johnson (Flat Creek Township, 15 ad Dicémbar dal 1949, a s lèś [dɑn ˈdʒɑnsən] in ingléś), 'l è 'n atōr, cantànt, e prudutōr televiśìṿ americàṅ. 'L è famóś p'r avēr fat la part ad James Crockett dit Sonny in dla série televiśìva Miami Vice e qvéla 'd Nash Bridges in dal telefìlm Nash Bridges.

Uriginàri dal Missouri ma carsû a Wichita in dal Kànsas, Don da śōvan 'l è stâ 'n sugèt piutòst arvèrs tant 'd avēr pasâ dal tèmp in rifurmatòri. 'L à pò tacâ na caréra da atōr in di an Stanta tulénd part a 'l inìsi a pelìculi piutòst chichi e a soquànt telefìlm cuma Il giovane Dr. Kildare, A tutte le auto della polizia, Le strade di San Francisco e Sulle strade della California, cantànt pò al sucès in di an Utànta faghénd la part d'n agìnt sóta quaciadùra in sènt-ùndas puntàdi 'd Miami Vice.

A 'l cìnema 'l è stâ prutagunìsta dal thriller eròtic ad Dennis Hopper dal 1990 The Hot Spot - Il posto caldo in dua 'l à fat un vendidōr ad màchini uśàdi c'n al visi di furt in na sitadìna dal Tèxas, tacànd in cal méntar na relasiòṅ cun la Virginia Madsen e la Jennifer Connelly. Sèmp'r in di an Nuànta a 'l ém vist in dal thriller giudisiàri Per legittima accusa (1993), in còpia cun la Rebecca De Mornay, in dla cumèdia cun Kevin Costner Tin Cup (1996) e in dal noir Goodbye Lover (1998) in dua 'l à incruśâ la Patricia Arquette, l'Ellen DeGeneres e Alex Rocco.

Fra i sò àtar film più impurtànt a 'rcurdém al thriller 'd asiòṅ Machete (2010), la cumèdia Bucky Larson: Born to Be a Star (2011) e 'l western Django Unchained (2012).

Dòp èsar stâ ligâ a la Tanya Tucker e a la Pamela Des Barres, al s è spuśâ dó vòlti cun la culéga Melanie Griffith, màd'r ad sò fiōla Dakota nada in dal 1989. In séguit al gh'à abû na relasiòṅ cun la Patti D'Arbanville ch'la gh'à dâ 'n fiōl ciamâ Jesse (1982). In dal 1999 al s è spuśâ par la tèrsa vòlta cun la Kelley Phleger, avénd sèg àtar tri fiōi: la Grace (1999), Jasper (2002) e Deacon (2006).

Filmugrafìa

1970 - The Magic Garden of Stanley Sweetheart, regìa ad Leonard Horn
1971 - Zachariah, regìa ad George Englund
1971 - Lollipops and Roses, regìa 'd Artemio Marquez
1973 - The Harrad Experiment, regìa ad Ted Post
1975 - Un ragazzo, un cane, due inseparabili amici (A Boy and His Dog), regìa ad L.Q. Jones
1975 - Return to Macon County, regìa ad Richard Compton
1975 - Lollipops and Roses at Burong Talangka, regìa 'd Elwood Perez
1978 - Lo skilift della morte (Ski Lift to Death), regìa ad William Wiard – Film TV
1978 - Katie - La ragazza del paginone (Katie: Portrait of a Centerfold), regìa ad Robert Greenwald – Film TV
1980 - La rivolta delle donne di Stepford (Revenge of the Stepford Wives), regìa ad Robert Fuest – Film TV
1981 - Elvis (Elvis and the Beauty Queen), regìa ad Gus Trikonis – Film TV
1981 - Soggy Bottom, U.S.A., regìa ad Theodore J. Flicker
1982 - Non arrendersi mai (Melanie), regìa ad Rex Bromfield
1985 - Cease Fire, regìa ad David Nutter
1987 - Heartbeat, regìa ad John Nicolella
1988 - Ancora insieme (Sweet Hearts Dance), regìa ad Robert Greenwald
1989 - Dead Bang - A colpo sicuro (Dead Bang), regìa ad John Frankenheimer
1990 - The Hot Spot - Il posto caldo (The Hot Spot), regìa ad Dennis Hopper
1991 - Harley Davidson & Marlboro Man, regìa ad Simon Wincer
1991 - La strada per il paradiso (Paradise), regìa dla Mary Agnes Donoghue
1993 - Nata ieri (Born Yesterday), regìa ad Luis Mandoki
1993 - Per legittima accusa (Guilty as Sin), regìa ad Sidney Lumet
1995 - Un problema d'onore (In Pursuit of Honor), regìa ad Ken Olin – Film TV
1996 - Tin Cup, regìa ad Ron Shelton
1998 - Goodbye Lover, regìa ad Roland Joffé
2003 - In nome dell'onore (Word of Honor), regìa ad Robert Markowitz – Film TV
2007 - Moondance Alexander, regìa ad Michael Damian
2008 - Bastardi, regìa ad Federico Del Zoppo e 'd Andres Alce Meldonado
2008 - Lange flate ballær II, regìa 'd Harald Zwart
2008 - Torno a vivere da solo, regìa ad Jerry Calà
2010 - La fontana dell'amore (When in Rome), regìa ad Mark Steven Johnson
2010 - Machete, regìa ad Robert Rodriguez
2011 - A Good Old Fashioned Orgy, regìa ad Alex Gregory e 'd Peter Huyck
2011 - Bucky Larson: Born to Be a Star, regìa ad Tom Brady
2012 - Django Unchained, regìa ad Quentin Tarantino
2014 - Tutte contro lui - The Other Woman (The Other Woman), regìa ad Nick Cassavetes
2014 - Cold in July - Freddo a luglio (Cold in July), regìa ad Jim Mickle
2014 - Aspettando Alex (Alex of Venice), regìa ad Chris Messina
2017 - Cell Block 99 - Nessuno può fermarmi (Brawl in Cell Block 99), regìa ad S. Craig Zahler
2017 - Vendetta - Una storia d'amore (Vengeance: A Love Story), regia J. Martin
2018 - Dragged Across Concrete - Poliziotti al limite (Dragged Across Concrete), regìa ad S. Craig Zahler
2018 - Book Club - Tutto può succedere (Book Club), regìa ad Bill Holderman
2019 - Vault, regìa ad Tom DeNucci
2019 - Cena con delitto - Knives Out (Knives Out), regìa ad Rian Johnson
2022 - High Heat - Fuoco mortale (High Heat), regìa ad Zach Golden
2023 - A Little White Lie, regìa ad Michael Maren
2023 - Book Club - Il capitolo successivo (Book Club: The Next Chapter), regìa ad Bill Holderman
2023 - The Collective, regìa ad Tom DeNucci
2024 - Rebel Ridge, regìa ad Jeremy Saulnier

Discugrafìa

Àlbum

1986 - Heartbeat
1989 - Let It Roll
1997 - The Essential
1997 - Tell It Like It Is

Culegamènt estéran

Àtar prugèt

Wikimedia Commons contiene file multimediali su Don Johnson