Jose Apeztegia

Jose Apeztegia
Bizitza
Jaiotza	Erratzu, 1690eko hamarkada
Herrialdea	Nafarroa Garaia, Euskal Herria
Heriotza	Erratzu, 1746ko martxoaren 2a (41/51 urte)
Hezkuntza
Heziketa	Salamancako Unibertsitatea
Hizkuntzak	gaztelania euskara
Jarduerak
Jarduerak	apaiz katolikoa
Ideologia eta sinesmenak
Erlijioa	Erromatar Eliza Katolikoa

Jose Apeztegia Perez de Rada (Erratzu, Baztan, 169? - ib., 1746ko martxoaren 2a) nafar Bikario Nagusia eta priorea izan zen. Salamancako San Bartolome Ikastetxe Zaharrean ikasi zuen, 1714an Zuzenbideko lizentziatura bereganatuz. Euskal herritarrik altuena izan omen zen.

Biografia

1716ko urtarrilaren 17an Iruñeko kalonje aukeratu zuten, eta hurrengo urtean irakasle. Hirutan hutsik zegoen Bikario Nagusiaren kargurako hautatua izan zen.

Alventosko Markesaren esanetan, gorputzaren garaieragatik oso nabarmena zen, hori dela eta, Salamancan zegoela, Gorena ezizenez ezagutzen zuten. Espainia guztian bere garaieraren parekorik zuen beste inor ez zen topatu ahal izan. Planta eder eta proportzionatua zuen.

1727ko abenduaren 11n priore izendatu zuten. 1729an erlijio liburu bat idatzi zuen. 1746ko martxoaren 2an bere jaioterrian hil zen eta bere gorpua Barbazanako kriptan ehortzi zuten.

«Altisimoa»

2,30 metro neurtzen zuela esaten da. Haren altuera zela medio, «Altisimo» izengoitia jarri zioten ikaskideek Salamancan (Espainiako Estatuan), elizgizon izateko ikasketak egiten ari zela. Garaiera horrek osasun arazoak zein ekonomikoak ekarri zizkion, eta etxea bere altuerara egokitzeko zailtasunengatik Baztango familiaren jauregira itzuli zen Iruñetik.

Bibliografia

• “El altisimo”, baztandar erraldoia, Baztango Haizegoa, 2010eko ekainak 29a.

Kanpo estekak

• Jose Apeztegia Pérez de Radaren biografia laburra. Auñamendi Entziklopedia. Euskomedia.org (Ingelesez)

• Datuak: Q20492164