Sivatherium

Sivatherium
	Irudi gehiago
Sailkapen zientifikoa
Klasea	Mammalia
Ordena	Artiodactyla
Familia	Giraffidae
Subfamilia	Sivatheriinae
Generoa	Sivatherium; [[Hugh Falconer, Proby Thomas Cautley\|]], 1836
Datu orokorrak
Altuera	3 m
Masa	500 kilogramo

Sivatherium (euskaraz: «Shivaren piztia», Shiva eta therium-etik, antzinako grezierazko θηρίον - thēríon latinizatua) Afrika eta Eurasiako zehar hedatu zen jirafa genero desagertua da. Sivatherium giganteum espeziea, pisuaren arabera, ezagutzen den jirafa handienetakoa da, eta garai guztietako hausnarkari handienetakoa ere bai.

Kokapena tenporala eta geografikoa

Sivatherium Miozeno amaieran (duela 7 milioi urte inguru) sortu zen Afrikan eta Pleistozeno goiztiarra arte (Kalabriar) iraun zuen duela milioi bat urte inguru arte.

Lehenengo aztarnak Himalaia mendikatearen oinean aurkitu ziren, Indiako iparraldean. Hurrengo urteetan Eurasiako eta Afrikako hainbat tokitan aurkitu dira Sivatherium-aren fosilak.

Taxonomia

Hugh Falconer eta Proby Cautley paleontologo ingelesek deskribatu zuten aurrenekoz 1836. urtean.^[1] Sivatherium giganteum da espezie tipoa baina beste batzuk ere deskribatu dira:

†S. giganteum
†?S. hendeyi Harris, 1976
†S. maurusium
†S. proton Rios, 2022

Deskribapena

Gaur egungo okapi baten antzekoa zen itxuran, baina askoz handiagoa. Sorbaldetara bi metroko altuera zuen eta guztira 3 metrotakoa. 400 eta 500 kilogramo artean pisatzen zituen.^[2] Estimazio berriagoek 857–1,812 kg arteko pisua zuela adierazi dute.^[3]

Buruan osikono adar parea zituen eta begien gainean bigarren adar pare bat. Garezurra pisutsua zenez sorbalda indartsuak eta lepoko muskulu indartsuak zituen.

Gizakiarekin harremana

Olduwaiko arroilean (Tanzania) aurkituriko Sivatherium-en hondar batzuek harrizko labanek eragindako ebaketak azaltzen dituzte. Animaliaren haragia zatitzen eragindakoak dira. 1,35 milioi urte dituzten aztarnak dira eta Homo erectus batzuek eragindakoak direla ondorioztatu da.

Sahara aldeko arroketako margoetan eta Sumerreko hainbat figuratan Sivatheriuma ikusten dela esan izan da baina ez da fosilen ebidentziarik aurkitu inguru haietan.^[4]