Captura de movemento dos dedos de dous pianistas tocando o mesmo tema.
A captura de movemento é un proceso de gravación do movemento de obxectos ou persoas. É empregado en aplicacións militares, entretemento, deportes, medicina, enxeñaría informática[1] e robótica. Na rodaxe de filmes e na creación de videoxogos refírese á gravación de accións ou actores humanos, e usando esta información pódense animar por ordenador personaxes dixitais en 2D ou 3D.
Nas sesións de captura de movemento, as accións dun ou varios actores son recollidas moitas veces por segundo, e as primeiras técnicas usaban imaxes de varias cámaras para calcular posicións en 3D. Estes datos de animación son posteriormente mapeados nun modelo 3D de xeito que o modelo executa as mesmas accións que o actor.
