Signal (anteriormente TextSecure ) é unha aplicación gratuíta e de código aberto de mensaxería instantánea e chamadas con énfase na privacidade e a seguridade.[1][2] Pódese usar para enviar e recibir SMS, MMS e mensaxes de datos cifrados.[3] Por defecto, a aplicación cifra a base de datos de mensaxes no dispositivo do usuario, así como os dous extremos da comunicación, co fin de protexer todas as mensaxes que se envían a outros usuarios.[2][4][5] Antes de novembro de 2015, a aplicación utilizaba o nome TextSecure, que ata entón só permitía a mensaxería instantánea. Xunto co novo nome, incorporouse a funcionalidade de chamada desde a aplicación RedPhone . En marzo de 2017, Signal pasou a un novo sistema de chamadas baseado en WebRTC que tamén introduciu a posibilidade de facer videochamadas.[6][7]
.svg?lang=gl){kind=small}
