Hayange

Hayange

Land

Regioun

Arrondissement

57700

57306

49° 19’ 48’’ N
06° 03’ 46’’ O

Fläch

1.223 ha

Bevëlkerung

15.340 (2007)

Hayange ass eng franséisch Stad a Gemeng am Departement Moselle an der Regioun Grand Est, an Haaptuert vum Kanton mat dem selwechten Numm. D'Uertschaft läit zirka 10 km südwestlech vun Diddenuewen a gouf am Joer 821 fir d'éischt als Heingen ernimmt.

Hayange huet am Joer 1970 mat der Gemeng Saint Nicolas en Forêt, an 1971 mat Marspich fusionéiert. Ranguevaux ass 1972 och derbäikomm. Déi Gemeng ass awer erëm 1987 onofhängeg ginn.

De Kanton vun Hayange huet 3 Gemengen: Hayange, Ranguevaux a Serémange-Erzange.

Zanter 1704 ass Hayange vun der Eisen- a Stolindustrie markéiert. Nodeem vill Industrien an den 1970er an 1980er Joren opgehalen hu mat schaffen, sinn haut nach d'Entreprise Corus, déi Eisebunnschinne produzéiert, a Sollac Lorraine zu Hayange aktiv.

Jumelagen

Barga Italien
Arel Belsch

Bekannt Leit

D'Famill de Wendel huet vu 1704 u Schmelzen opgeriicht an de groussen industriellen Essor an dem Dall vun der Fensch weidergedriwwen.
Gabriel Jean Joseph Molitor, franséische Generol a Maréchal de France.
Sylvain Kastendeuch, professionelle Foussballspiller, Vizepresident vun de UNFP.

Kuckt och

Um Spaweck

Commons: Hayange – Biller, Videoen oder Audiodateien