Шинжлэх Ухааны Академийн Хамтын оффисоос гарааны компанийн үүсгэн байгуулагч, инновацын төсөл хэрэгжүүлэгч энтрепренер, эрдэмтэн судлаач, багш, инженер, мэргэжилтнүүдэд зориулсан мэдээлэл хүргэх, туршлага солилцох, ментор, зөвлөхүүдээс зөвлөгөө авах, хамтран ажиллах боломж бүрдүүлэх зорилготой “MOMENTUM DAY” арга хэмжээг 2024 оны 12 дугаар сарын 24-ний өдөр зохион байгууллаа.

MOMENTUM цуврал арга хэмжээний анхны зочдоор СМС ХХК-ийн гүйцэтгэх захирал Т.Мөнхбаяр, СЭЗИС-ийн ахлах багш Б.Бат-Амгалан, ахлах багш Т.Ууганболд, ШУА-ийн Биологийн хүрээлэнгийн дэргэдэх Гарааны Био Увидас ХХК-ийн үүсгэн байгуулагч, доктор Ц.Рэнцэнханд, Эйрий Фелт ХХК – ийн хамтран үүсгэн байгуулагч, технологи хариуцсан захирал М.Батмөнх нар оролцож, гарааны бизнесийн өсөлтийн боломж, хөрөнгө оруулалт төвлөрүүлэлт, хамтын ажиллагаа, баг бүрдүүлэлт, олон улсын төсөл хөтөлбөр, гарааны компани үүсгэн байгуулах туршлага гэх мэт өргөн сэдвүүдийг хамарсан сонирхолтой илтгэл, мэдээллүүдийг танилцуулж, өөрсдийн туршлагыг хуваалцлаа.

Уг арга хэмжээний үеэр ШУА-ийн Хамтын оффисын “Шилдэг төгсөгч” Биологийн хүрээлэнгийн дэргэдэх Гарааны Био Увидас ХХК-ийн үүсгэн байгуулагч, доктор Ц.Рэнцэнханд, М.Мэнд-Амар нарт батламж, дурсгалын зүйл гардуулж, шилдэг төгсөгчийн бүртгэлийг эхлүүллээ.