Parnassiaceae

Parnassiaceae Gray биле семејство на скриеносемени растенија од евдикотскиот ред Celastrales. Семејството не е препознаено во системот за класификација на растенијата APG III . ^[1] Кога системот бил објавен во 2009 година, Parnassiaceae биле третирани како потсемејство Parnassioideae од проширеното семејство Celastraceae.

Семејството имало само два рода, Lepuropetalon и Parnassia. Lepuropetalonима само еден вид, Lepuropetalon spathulatum, зимско едногодишно растение кое обично претпочита песоклива почва, има дисјунктна дистрибуција, позната е од југоисточните Соединети Американски Држави и централно Чиле, но веројатно е многу почест отколку што е забележано.

Parnassia е род на повеќегодишни билки, до 60 цм високи, кои растат во мочуришта и други влажни подрачја, главно во ладни клими на северната умерена зона. Постојат најмалку 70 видови.^[2] Шеесет и три видови растат во Кина, а 49 од нив не растат никаде на друго место. Втора област на разновидност за Parnassia е Северна Америка и таму се среќаваат околу 9 видови. Parnassia palustris е најпознатиот и најраспространетиот вид. Се протега низ поголемиот дел од северна Евроазија, Канада и западниот дел на Соединетите Американски Држави.

Опис

Parnassiaceae опфаќаат ризоматозни повеќегодишни тревести растенија од родот Parnassia, како и зимски едногодишни растенија без ризом од родот Lepuropetalon. Најмладиот дел од стеблото се одликува со три колатерални васкуларни снопови. Епидермисот на стеблата, листовите и цветовите содржи структури во форма на кесички исполнети со танини.

Листовите се распоредени наизменично или субспротивно, без стипули, со цел раб. Тие се релативно широки во однос на нивната должина, а секундарната венација е субпалматна.

Кај родот Parnassia, листовите се групирани во базална розета, над која се развиваат неколку каулински листови. За разлика од него, кај Lepuropetalon сите листови се распоредени на стеблото.

Кај двата рода, долните каулински листови се псевдонезаседни, односно нивните петeоли се припоени кон стеблото. Доколку се присутни, горните каулински листови се вистински приседнати.

Наводи

↑ Angiosperm Phylogeny Group (2009). „An update of the Angiosperm Phylogeny Group classification for the orders and families of flowering plants: APG III“. Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x.
↑ Wu, Ding; Wang, Hong; Li, De-Zhu; Blackmore, Stephen (2005). „Pollen morphology of Parnassia L. (Parnassiaceae) and its systematic implications“. Journal of Integrative Plant Biology. 47 (1): 2–12. doi:10.1111/j.1744-7909.2005.00008.x.

Надворешни врски

„Celastrales“. Angiosperm Phylogeny Website. Missouri Botanical Garden. Посетено на 2009-02-13.
Species Plantarum Архивирано на 3 април 2009 г.
A Natural Arrangement of British Plants...

A Sketch of the Botany of South Carolina and Georgia

[apgiii-1] Angiosperm Phylogeny Group (2009). „An update of the Angiosperm Phylogeny Group classification for the orders and families of flowering plants: APG III“. Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x.

[wu2005-2] Wu, Ding; Wang, Hong; Li, De-Zhu; Blackmore, Stephen (2005). „Pollen morphology of Parnassia L. (Parnassiaceae) and its systematic implications“. Journal of Integrative Plant Biology. 47 (1): 2–12. doi:10.1111/j.1744-7909.2005.00008.x.

[1]

[2]