Pozole
_(cropped).jpg) Pozole verde sa isang restoran sa Lungsod ng Mehiko (2018) | |
| Uri | Sabaw |
|---|---|
| Lugar | Mehiko |
| Rehiyon o bansa | Gitnang Mehiko |
| Gumawa | Nahuas |
| Ihain nang | Mainit |
| Pangunahing Sangkap | Binatog, karne (karaniwang baboy o manok), sili, mga pampalasa |
| Baryasyon | Blanco, Verde, Rojo |
| |
Ang pozole (Bigkas sa Espanyol: [po'sole] ; mula sa Mga wikang Nahuatl: pozolli) ay isang tradisyonal na sabaw o estopado mula sa lutuing Mehikano. Gawa ito sa binatog na may karne (karaniwan ay manok o baboy), at maaaring timplahan at palamutihan ng ginadgad na letsugas o repolyo, sili, sibuyas, bawang, labanos, abokado, salsa o dayap. Kilala na sa Mesoamerika mula pa noong panahong pre-Kolumbiyano,[1] ang putahe ay karaniwan sa buong Mehiko at mga karatig-bansa, at inihahain kapwa bilang pang-araw-araw na pagkain at bilang putahe sa mga pagdiriwang.
Mga kaugaliang panrehiyon
[baguhin | baguhin ang wikitext]Itinuturing ang pozole na isang putahe sa mga pagdiriwang. Sa Mehiko at Bagong Mehiko, karaniwang inihahain ang pozole sa Bisperas ng Bagong Taon upang ipagdiwang ang bagong taon.[2][3] Madalas na inihahain ang pozole bilang putahe sa mga pagdiriwang sa buong Mehiko at sa mga pamayanang Hispaniko sa labas nito. Kabilang sa iba pang mga okasyon kung kailan inihahain ang pozole ang Araw ng Kalayaan ng Mehiko, mga kaarawan, Pasko, at iba pang mga pista opisyal.[4]
Isang tipikal na putahe ang pozole sa iba't ibang estado, tulad ng Nayarit, Sinaloa, Michoacán, Guerrero, Zacatecas, Jalisco, at Morelos. Inihahain ang pozole sa mga restorang Mehikano sa buong mundo. Popular din ito sa lutuing Bagong Mehikano kung saan ito kilala bilang posole, at isang karaniwang putahe sa mga katutubong Puebloano na naninirahan sa kahabaan ng Rio Grande.[5][6]
Sa Timog-Kanlurang Estados Unidos, ginagamit ang isang uri ng mais na pananim (posole corn) na naiiba sa binatog. Itinuturing itong mas malinamnam at may mas matigas na tekstura kaysa sa binatog, na karaniwang mas malambot at mas malata.[6] Gumagawa ang mga Hopi ng isang uri na tinatawag na noquivi (Hopi: nöqkwivi), gamit ang kordero o karne ng tupang nasa hustong gulang sa halip na ang tradisyonal na baboy.[7] Kadalasang ginagawa ito mula sa pinatuyong butil ng asul na mais na posole; idinaragdag sa estopado ang berdeng sili at mga berry ng juniper sa halip na mga dahon ng laurel. Inihahanda rin ang uring ito ng posole ng mga Puebloano ng Bagong Mehiko.[8]
Galeriya
[baguhin | baguhin ang wikitext]
Puting pozole
Nilutong binatog
Maaaring gamitin para sa pozole ang pinatuyong binatog, pero kailangan itong ibabad at lutuin.
Pinatuyong asul na mais na posole ng Bagong Mehiko
Pozole na nilagyan ng hiniwang abokado
Berdeng pozole, niluto sa estilo ng Estado ng Guerrero
Berdeng pozole na may kasamang kondimento, inihain sa Zihuatanejo (Guerrero)
Pulang pozole, inihain sa Lungsod ng Mehiko
Pulang pozole, inihain sa Oaxaca de Juárez
.JPG)
Mga sanggunian
[baguhin | baguhin ang wikitext]- ↑ "Pozole". Larousse Cocina (sa wikang Kastila). Nakuha noong Hunyo 25, 2026.
- ↑ Anonymous; Seibert, Sandra; Anonymous; Pharo, Christine; Anonymous; Morethanbeefandtaters; Anonymous; G., Pauline; M., Monica (2016-11-16). "Posole Rojo". Food Network. Nakuha noong 2019-05-13.
- ↑ "Red Posole with Pork" [Pulang Posole na may Baboy]. Epicurious (sa wikang Ingles). 2017-05-30. Nakuha noong 2019-05-13.
- ↑ "Mexican Pozole" [Mehikanong Pozole]. Mexico (sa wikang Ingles). Inarkibo mula sa orihinal noong 2019-05-20. Nakuha noong 2019-05-13.
- ↑ Cocking, Lauren (2017-02-12). "A Brief History of Pozole, Mexico's Take on Traditional Stew" [Isang Maikling Kasaysayan ng Pozole, ang Bersiyong Mehikano ng Tradisyonal na Estopado]. Culture Trip (sa wikang Ingles). Inarkibo mula sa orihinal noong 2019-05-13. Nakuha noong 2019-05-13.
- 1 2 Butel, Jane (1994-12-11). "Sacred Stew : Posole, a Native American corn dish, is served at pueblo festivals, but it can also be sampled in restaurants around Albuquerque" [Sagradong Estopado: Ang Posole, isang putaheng mais ng mga Katutubong Amerikano, ay inihahain sa mga pagdiriwang ng mga mamamayan, ngunit maaari rin itong tikman sa mga restoran sa paligid ng Albuquerque]. Los Angeles Times (sa wikang Ingles). Nakuha noong 2019-05-13.
- ↑ Manus, Mihio (17 Setyembre 2013). "Native American Day at Hopi High" [Araw ng mga Katutubong Amerikano sa Hopi High] (PDF) (sa wikang Ingles). Bol. 21, blg. 18. The Hopi Tutuveni. Nakuha noong 3 Enero 2024.
- ↑ "Blue Corn Posole Stew" [Estopado ng Posole na Asul na Mais]. Rim Journal (sa wikang Ingles). Nakuha noong 3 Enero 2024.
