Smosh
An Smosh ( /ˈ s m ɔː ʃ / ) in usa ka Amerikano nga YouTube sketch comedy - improv nga kolektibo, independente nga kompanya hin produksyon, ngan social networking site han una nga gintukod nira Anthony Padilla ngan Ian Hecox. Han 2002, naghimo hi Padilla hin website nga ginngaranan nga "smosh.com" para makahimo hin Flash nga mga animasyon, ngan umupod hi Hecox han sunod. Nagtikang hira pagpost hin mga video ha YouTube channel han Smosh dida han 2005 ngan madagmit nga nagin usa han mga pinakasikat nga channel dida han site. Base han datos han Septyembre 2025, an kadak-an nga channel han Smosh inin mayda sobra 11 ka bilyon nga mga pagkita ngan sobra 26 ka milyon nga mga subscriber.
Mga channel
[igliwat | Igliwat an wikitext]Smosh
[igliwat | Igliwat an wikitext]An Smosh amo an orihinal ngan panguna nga channel nga ginhimo dida han Nobyembre 2005, nga nakatutok yana ha serye nga Bit City.
Smosh Pit
[igliwat | Igliwat an wikitext]An Smosh Pit kay nag-uupload kada Martes, Huwebes, ngan Sabado. An mga video in kadam-an kay nakabase ha mga pormat nga waray iskript, sugad han mga pgame shows ngan mga challenges para han mga cast. An mga sikat nga serye kay an Try Not to Laugh, Challenge Pit, ngan Reading Reddit Stories.
Smosh Games
[igliwat | Igliwat an wikitext]An Smosh Games kay nag-uupload kada Miyerkules, Biyernes, ngan Domingo. Pag-uyag hin mga video game, mga board game, ngan mga baraha, nga may-ada iba-iba nga pauroutro nga mga uyag ngan mga serye, an makikita ha mga video.
Smosh Cast
[igliwat | Igliwat an wikitext]An podcast channel han Smosh ha pagkayana naglalakip han Smosh Mouth, nga ginhohost nira Shayne Topp ngan Amanda Lehan-Canto. Kada episode, mayda danay tema ngan gin-iimbita nga bisita tikang ha cast ngan grupo han produksyon han Smosh. Usahay, mayda gihap mga bisita nga tikang ha iba, sugad kan Hank Green, Aurora Matrix, ngan Jacksepticeye.
ElSmosh
[igliwat | Igliwat an wikitext]Nag-upload an ElSmosh hin bag-o nga mga episode han Smosh nga gin-dub ha Kinatsila. An mga video kay kasagaran tikang ha panguna nga channel han Smosh. Gintikang ini hin usa nga fan nga nag-dub hin video han Smosh ha Kinatsila, ngan ginkuha hiya nira Hecox ngan Padilla.
SmoshAlike (Anay AnthonyPadilla)
[igliwat | Igliwat an wikitext]Ha katikangan, personal ini nga channel ni Anthony Padilla. Nagtikang liwat ini pagpost hin mga video hin mas agsob katapos han pag-iwas ni Padilla tikang ha Smosh dida han 2017. Ha iya pagbalik ha pagtag-iya han Smosh upod ni Ian Hecox dida han 2023, an channel in nagtikang pagpakita hin mga miyembro han Smosh nga may kalugaringon nga produksyon ni Padilla. Han Mayo 5, 2025, nag-rebrand an channel nga nagin SmoshAlike, ngan ginhimo na nga parte an channel ngan PressAlike ha Smosh na tatak.
Mga miyembro han Smosh yana
[igliwat | Igliwat an wikitext]| Paragpasundayag | Panahon ha Smosh |
|---|---|
| Ian Hecox | 2005–yana |
| Anthony Padilla |
|
| Keith Leak Jr. | 2014–yana |
| Olivia Sui | 2015–yana |
| Noah Grossman | |
| Courtney Miller | |
| Shayne Topp | |
| Damien Haas | 2017–yana |
| Amanda Lehan-Canto | 2020–yana |
| Chanse McCrary | 2022–yana |
| Arasha Lalani | |
| Angela Giarratana | |
| Tommy Bowe | 2024–yana |
| Spenser Agnew | |
| Trevor Evarts |
