ლიხიტასთან, ეტიენ მეინიერთან და ჯონ სკოტ-რეილტონთან ერთად. წამყვანია როჯერ დინგლდაინი.

ყოველწლიურად მთავრობები, ძალოვანი თუ სამხედრო სტრუქტურები და დიდი დაწესებულებები მილიარდობით დოლარს აბანდებენ მავნე მოთვალთვალე პროგრამების შექმნასა და შესყიდვაში -- რომლებიც განკუთვნილია მომხმარებელთა მოწყობილობაში ფარული შეღწევისთვის და შემტევებისთვის მასალების უნებართვოდ ხილვის შესაძლებლობის მიცემისთვის. წელს პეგასუსის პროექტით გამჟღავნდა, რომ მომხმარებლებს მოთვალთვალე პროგრამისა, სახელწოდებით პეგასუსი, რომელიც ისრაელს უსაფრთხოების სამსახურის (NSO-ჯგუფი) ქმნილებაა, სამიზნედ ჰყავდათ ამოღებული ათასობით პირი 50-ზე მეტი ქვეყნიდან, მათ შორის ბიზნესის აღმასრულებლები, პოლიტიკოსები, ჟურნალისტები და ადამინის უფლებათა დაცვისთვის მეამბოხეები. ამ გამოშვების PrivChat საშუალებას გაძლევთ, შემოუერთდეთ ლიხიტასა და ეტიენ მაინიერს ამნესტი-ინტერნეიშენალიდან და ჯონ სკოტ-რეილტონს სიტიზენ-ლაბიდან, რომლებიც მიმოიხილავენ, როგორ უნდა დაცივას ხალხმა თავი, რომელ დაწესებულებებს შეიძლება დავეყრდნოთ შევიწროებისას და ვინ მუშაობს მეტად უსაფრთხო და პირადულ პროგრამულ უზრუნველყოფაზე, რომლის ნდობაც შეიძლება?

როჯერ დინგლდაინთან, ნიკ მეთიუსონთან, პოლ სივერსონთან ერთად. წამყვანია გაბრიელა კოულმენი.

აღნიშნეთ Onion-დამისამართების 25-ე წლისთავი Tor-თან ერთად! 2021 წლის 31 მაისში აღინიშნება 25-ე წლისთავი Onion-დამისამართების პირველი წარდგენიდან კემბრიჯში, ბრიტანეთში, ისააკ ნიუტონის ინსიტუტის პირველ სამუშაო შეხვედრაზე ინფორმაციის ფარულობის შესახებ.

მოპატეჟებული ხართ ამ მშვენიერი დღის აღსანიშნავად, რომ ვისაუბროთ Onion-დამისამართების შექმნის საწყის საფეხურებზე, თუ როგორ გარდაიქმნა Tor-ად და როგორ მივიღეთ საბოლოოდ Tor-პროექტი. შემოგვიერთდება პოლ სივერსონი, ერთ-ერთი სულისჩამდგმელი პირველი სახის onion-დამისამართებისა, Tor-პროექტის თანადამფუძნებელ როჯერ დინგლდაინთან და ნიკ მეთიუსონთან ერთად.

გავიხსენებთ Onion-დამისამართების ქსელის პირველ დღეებს შეერთებული შტატების საზღვაო კვლევით ლაბორატორიაში (NRL). (ჯერ კიდევ მაშინ Onion-დამისამართების მქონე კავშირები გადიოდა ხუთ კვანძს, ნაცვლად დღევანდელი სამკვანძიანი მოწყობის Tor-ისა!) არავისთვის საიდუმლო არაა, რომ Onion-დამისამართების ჩანასახი დაიბადა NRL-ში (მითითებულიცაა ჩვენი ისტორიის გვერდზე), მაგრამ კიდევ ბევრია სათქმელი და გვსურს გაგიზიაროთ, თუ საიდან დაიწყო Tor და სადამდე მოვედით 25 წლის თავზე.

ელისონ მაკრინასთან, ბერჰან ტაისთან და რემი რაუფთან ერთად. წამყვანია ედ სნოუდენი.

Tor-პროექტის მთავარი მიზანია ადამიანის უფლებების დაცვისა და თავისუფლების ხარისხის გაუმჯობესების ხელშეწყობა უფასო და ღია წყაროს მქონე, ვინაობისა და პირადი მონაცემების გამჟღავნებისგან ასარიდებელი საშუალებების შექმნითა და გავრცელებით. ხალხი იყენებს ჩვენს ტექნოლოგიას, დასახელებით Tor-ქსელი და Tor-ბრაუზერი, არაერთი სხვადასხვა გზით. Tor გამოიყენება მამხილებლებთა მიერ, რომელთაც ესაჭიროებათ უსაფრთხო გზა ცუდი საქმეების სააშკარაოზე გამოსატანად -- ინფორმაციის, რომლის ცოდნაც გადამწყვეტია საზოგადოებისთვის -- ვინაობის გაუმჟღავნებლად. Tor გამოიყენება მეამბოხეთა მიერ მთელ მსოფლიოში, რომლებიც იბრძვიან ერთპიროვნული მმართველების წინააღმდეგ ადამიანთა უფლებების დასაცავად, არამხოლოდ საკუთარი უსაფრთხოებისა და ვინაობის დაფარვისთვის, არამედ ინტერნეტშეზღუდვის ასარიდებლად, მათი ხმა რომ ყველამ გაიგონოს. Tor საშუალებას აძლევს მილიონობით ადამიანს, თავი დაიცვან ინტერნეტში, მიუხედავად იმისა, აღმატებული უფლებების მქონენი არიან თუ არა. მესამე გამოშვების PrivChat შეგახვედრებთ Tor-ის რამდენიმე რიგით მომხმარებელს, რომლებიც გაგიზიარებენ, როგორი მნიშვნელობისაა Tor მათთვის და მათი საქმიანობისთვის ადამიანის უფლებათა დაცვისა თუ თავისუფლებისთვის მთელ მსოფლიოში.

ფელისია ანტონიოსთან, ვრინდა ბჰანდართან, სესილია ბოკოვიჩთან და არტურო ფილასტოსთან ერთად. წამყვანია კორი დოქტოროუ.

ყოველწლიურად იზრდება ინტერნეტკავშირის შეზღუდვები მთელ მსოფლიოში. ქსელის დონეზე შეზღუდვებიდან ეროვნულ დონეზე აკრძალვებამდე, მთავრობებსა თუ კერძო დაწესებულებებს მძლავრი საშუალებები გააჩნიათ ინფორმაციასთან წვდომისა თუ ურთიერთკავშირის შეფერხებისთვის. არაერთი პირი, ჯგუფი თუ დაწესებულება მუშაობს, რომ ახლებური გზები შეისწავლოს, გამოიკვლიოს და ამით დაუპირისპირდეს ინტერნეტის ცენზურას -- რითაც მილიონობით ადამიანს ეხმარებიან ინტერნეტთან უსაფრთხო და მეტად ხშირი კავშირის უზრუნველყოფაში. ამგვარი მცირეოდენი წარმატების მიუხედავად, ხშირად ვაწყდებით მაღალშემოსავლიან მეტოქეებს, რომლებიც მილიარდობით დოლარს ხარჯავენ ცენზურის საშუალებებზე და შეჯიბრებაა გამართული შეიარაღების ზრდაში. მეორე გამოშვების PrivChat Tor-თან ერთად შეეხება კარგის, ცუდისა და ბოროტის გარჩევას ცენზურის არიდების წინა ხაზზე. სამყაროში, რომელშიც სწრაფად იხვეწება ცენზურის საშუალებები და მათით უკვე ვაჭრობენ სხვადასხვა ერები, აგრეთვე იზრდება ჩვენი შემოქმდებითობა ამ ყველაფრის შეფასებისა თუ გვერდის ავლის საშუალებების შექმნაში, ისევე როგორც, იმატებს მუხტი, შევებრძოლოთ და გავუწიოთ წინააღმდეგობა. მაგრამ საკმარისია? რა დაბრკოლებებს აწყდება ხალხი და ორგანიზაციები ინტერნეტის თავისუფლებისთვის ბრძოლაში?

კარმელა ტრონკოსოსთან, დენიელ კან გილმორთან და მეტ მიტჩელთან ერთად. წამყვანია როჯერ დინგლდაინი.

როცა ᲙᲝᲕᲘᲓ-19 გავრცელების პიკს აღწევდა მსოფლიოს სხვადასხვა ქვეყანაში, ბევრმა მთავრობამ დაიწყო ტექნოლოგიების მოძიება ვირუსის გავრცელებისთვის თვალის სადევნებლად პანდემიასთან ბრძოლის ფარგლებში. ურთიერთშემხებ პირთა დასადგენად დანერგილმა საშუალებებმა და ტექნოლოგიებმა ბევრი კითხვა გააჩინა, განსაკუთრებით პირადულობის კუთხით: შესაძლებელია ვირუსის გავრცელებისთვის თვალის მიდევნება პირადი ცხოვრების ხელშეუხებლობის დაცვით? ახლა შუაგულში ვიმყოფებით წამოწყებული აჯანყებებისა შეერთებულ შტატებში სისტემური რასიზმის წინააღმდეგ, რომელსაც მსოფლიოს დანარჩენ კუთხეებშიც არაერთი გამოსვლა ახლავს, ამიტომ გადამწყვეტ მნიშვნელობას იძენს შეკითხვები, რომლებიც ეხება ურთიერთშემხებ პირთა თვალის დევნებას, პირადულობასა და მიყურადებას. შესაძლებელია ვირუსის თვალის მისადევნებელი საშუალებების გამოყენება მეამბოხეთა ზედამხედველობისთვის? ან შესაძლებელი გახდება? ჩვენი პირველი საუბრისთვის, რომლისთვისაც PrivChat გამოვიყენეთ, Tor-პროექტმა მოიწვია სამი არაჩვეულებრივი სტუმარი პირადი მონაცემების დაცვის საკითხების განსახილველად.