Maomet
| |
| Nazionalitât | Arabe |
|---|---|
| Date di nassite | Atôr dal 570 d.C |
| Lûc di nassite | La Meche (Arabie) |
| Date di muart | 8 di Zugn 632 d.C |
| Lûc di muart | Medina |
| Ativitât | Cjaf religjôs, politic e militâr
|
| Oparis principâls | Il Coran , le "Sunna" |
| Fondatôr dal Islam | |
Maomet (in arabo: مُحَمَّد, Muḥammad; La Meche, atôr dal 570 d.C – Medina, 8 di Zugn 632 d.C) al è stât un cjâf religjôs, politic e militâr arap, fondadôr dal Islam. Penseât dai musulmans come l'ultin profete e messazêr di Diu (Allāh) mandât par rinovâ le fè origjinâle monoteiste di Abram, Mosè e Jesu Crist, Maomet al à unificât le penisule arabe sot de bande di une uniche fè religjose e di un unic Stât teocratic, sanzionant le nassite de civiltât islamiche.
Nassût te citât de Mecche da une famee impurtante dal clan de tribu des Quraish, Maomet al è restedât orfan di gjenitôrs te zovin etât e al è stât cressût sù da sô von Abd al Muttalib e daspò da sô barbe de bande dal pari Abu Talib. Cressut lavorant come mercjadant e condutôr di carovane par le vedue siore Khadija che veve une ativitât di cumierç (e che deventarà le sô prime femine), al è stât une persone une vore stimade te sô citât par le sô onestât e le sô retitudin. Daûr le tradizion islamiche, tal 610, mentri al jere in meditazion inte covole di Hira in te culine di Jabal al-Nour, Maomet al à ricevût le prime rivelazion dal agnul Gabriêl, cun il comamdament di predicjâ il monoteisim.
Lis primis predicjis di Maomet a La Meche an cjapât sù un piçiule clape di convertîts, ma cjate le fuarte oposizion dai cjâfs de tribu des Quraish, che temevin le piardite dal lôr podê politic e le distruzion dal lucratîf cumierç pelegrin leât al cult pagan de Ka'ba. Daspò di agns di persecuzions e dal boicotaç, tal 622 Maomet e i siei fidêi an abandonât La Mecca par trasferîsi te citât di Yathrib ( daspò re-nomibade Medina). Cheste emigrazion, cognossude come l'Egira, segne il pont di svolte tal Islam e le date di scomençament dal calendari islamic.
A Medina, Maomet al à scrit le famose "Costituzion di Medina", unint lis tribûs locâls e stabilint le prime comunitât musulmane organizade (le Umma). Intai agns seguitîfs, le tension jenfri Medina e La Meche à puartât a une schirie di violents scuintris militârs, come le Bataie di Badr (624), le Bataie di Uhud (625) e le Bataie dal Fossât (627). Cun la superioritât tatiche e le cressite dal sô sostèn populâr, intal 630 Maomet al è re-jentrât a La Meche cence provocâ le muart di nissune persone, perdonant i siei vecjos nemîs e purificant le Ka'ba dai idui pagans.
Intai ultims agns de sô vite, Maomet al à slargjât le sô autoritât religjose e politiche su scuasit dutis lis tribûs de penisule arabe, mandant ambassadôrs ancje ai grandis imperis dongje (l'Imperi Bizantin e l'Imperi Sassanide). Daspò dal sô "Pelerinaç di Adui" a La Meche tal 632 d.C, Maomet al si male a Medina, dulà che al è muart ai 8 di Zugn te cjase de femine 'A'isha. Le sô ereditât spirituâl je racolte tal Coran (il libri sant dal Islam che al contèn lis sôs rivelazions) e inte Sunna ( i scrîts e lis azions dal profete), traviers dai cuâls al à vuidât le nassite di un dai plui grancs imperîs de storie mondiâl.
Bibliografie
[cambie | modifiche il codiç]- Armstrong, Karen. Muhammad: A Prophet for Our Time. HarperOne, 2006.
- Lings, Martin. Muhammad: His Life Based on the Earliest Sources. Inner Traditions, 2006.
- Watt, W. Montgomery. Muhammad at Mecca e Muhammad at Medina. Oxford University Press, 1953/1956.
- Rodinson, Maxime. Muhammad. New Press, 2002.
