Seeth

Seeth / Seet
Lokaasje fan 'e gemeente Seeth (read) yn Noard-Fryslân.
Symboal
Bestjoer
Lân	Dútslân
Dielsteat	Sleeswyk-Holstein
Kreis	Noard-Fryslân
Amt	Nordsee-Treene
Sifers
Ynwennertal	2.037 (31.12.2024)
Oerflak	13,58 km²
Befolkingsticht.	57 ynw./km²
Hichte	5 m
Oar
Postkoade	25878
Offisjele webside
seeth.de
Kaart

Seeth (Noardfrysk: Seet; Deensk: Sæd) is in plak en gemeente yn 'e kreis Noard-Fryslân yn 'e Dútske dielsteat Sleeswyk-Holstein. De gemeente wurket gear mei oare gemeenten yn it amt Nordsee-Treene en hat 2.037 ynwenners (2024).

Seeth waard foar it earst neamd yn 1260; de namme fan de gemeente besjut 'delsetting' of 'wenplak'.

Skiednis

Seeth leit yn 'e histoaryske regio Stapelholm. Yn 'e midsiuwen hie dy krite in soad te krijen mei swiere oerstreamings, benammen nei it jier 1338. Hjirby binne twa hiele parochys yn 'e legere gebieten ferlern gien: Sankt-Johannes (besuden Schwabstedt) en Dornebüll (súdeastlik fan Süderhöft).

De ynwenners dy't de oerstreamings oerlibben, flechten nei de heger lizzende en feilige sângrûn (de geast). Op dy hegere grûn stiften de flechtlingen nije delsettings; Seeth is ien fan 'e twa doarpen dy't sa ûntstien binne.

Bauernglocke

Boereklok fan Seeth.

Boereklokken binne klokken yn 'e histoaryske krite Stapelholm brûkt waarden om minsken te warskôgjen by gefaar. Se binne yn 'e krite noch jimmeroan in typysk doarpssymboal. Oars as de measte âlde klokken hingje boereklokken net yn in tsjerketoer, mar yn in houten frame. De oarspronklike boereklok fan Seeth stamt út it jier 1687, de âldste klok fan it gebiet. De klok waard yn 1935 en 2008 ferfongen. By de lêste ferfanging ferhûze de klok nei it hjoeddeiske plak by it doarpshûs.

Berne yn Seeth

• Hans Ludwig Sierks (1877-1945), sivyl yngenieur en fersetstrider tsjin it nasjonaalsosjalisme.

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Seeth fan Wikimedia Commons.