1431

Ár

Áratugir

1421–1430 – 1431–1440 – 1441–1450

Aldir

14. öldin – 15. öldin – 16. öldin

Árið 1431 (MCDXXXI í rómverskum tölum)

Á Íslandi

4. febrúar - Jón Vilhjálmsson Craxton Hólabiskup vígði átta nunnur til klausturlífs á Reynistað. Ein þeirra ól barn nokkrum mánuðum síðar og um næstu áramót fæddi önnur nunna í klaustrinu barn.
Eiríkur af Pommern var hylltur konungur á Alþingi.
Samþykkt á Alþingi að Jón Gerreksson biskup skuli senda sveina sína úr landi.
Erlendum kaupmönnum bannað að hafa vetursetu á Íslandi en það bann var þó ekki virt.
Áttatíu (hugsanlega) enskir duggarar voru drepnir við Mannskaðahól á Höfðaströnd í Skagafirði. ^[1] ^[2]
Bólusótt gekk um landið þetta ár eða 1430 og varð mikið mannfall.

21. febrúar - Réttarhöldin yfir Jóhönnu af Örk hófust í Rúðuborg. Hún var sökuð um trúvillu.
11. mars - Evgeníus IV varð páfi.
30. maí - Jóhanna af Örk var brennd á báli.
6. júní - Orrustan við Pó: Hertogadæmið Mílanó sigraði Lýðveldið Feneyjar þegar flotar þeirra mætturst við Pó-fljót. Feyneyingar misstu 2.500 menn og 70 skip.
1. júlí - Konungsríkið Kastilía sigraði Mára á svæði emírsins við Granada.
13. september - Her Póllands bar sigurorð af Þýsku riddurunum í orrustunni við Dąbki.
16. desember - Hinrik 6. Englandskonungur krýndur konungur Frakklands í París.
Konungsríkið Ayutthaya (nútíma Taíland) sat um Angkor, höfuðborg Khmer-veldisins, og tók hana undir sig.
Ottómanveldið herjaði á Austrómverska ríkið við Pelópsskaga.

↑ »Í þann tíma var hér mikill yfirgángr enskra manna; hefr svo sagt Magnús bóndi Jónsson í Ögri, að landsmenn hér hafi ráðist í móti þeim, fyrir óráðvendnis glettíngar, rán og tiltektir á peningum manna, djarftæki til kvenna og aðra áleitni, ráðsmaðr Hólastaðar og aðrir Skagfirðingar, og barist við þá fyrir utan Mannskaðahól og felt þá nær áttatíu samann, en það er í sögnum að þá hafi verið rekin hross med hrísklyfjum, til at riðla flokki þeirra«. (Árb. Espólíns).
↑ Voðaverkin á mannskaðahóli; grein í Morgunblaðinu 2003