Buskerud

Buskerud Biskupsruð
Fylki
Fáni Skjaldarmerki
Staðsetning í Noregi
Hnit: 61°N 10°A
Land	Noregur
Landshluti	Austur-Noregur
Höfuðstaður	Drammen
Flatarmál
• Samtals	14.694 km2
Mannfjöldi  (2026)
• Samtals	272.981
• Þéttleiki	19/km2
Tímabelti	UTC+01:00 (CET)
• Sumartími	UTC+02:00 (CEST)
ISO 3166 kóði	NO-33
Vefsíða	www.bfk.no

Buskerud eða Biskupsruð er fylki í Noregi. Nágrannafylki þess eru Ósló, Akurshús, Þelamörk, Vestfold, Vesturland og Innlandet. Heildarflatarmál fylkisins er 14.694 km² og íbúar voru 272.981 árið 2026. Fylkið er í landshlutanum Austur-Noregi.

Náttúrufar

Fylkið nær frá Hurum í Óslóarfirði inn til Hallingdals og Harðangursheiðar. Inn til fjalla eru mörg dalverpi og fjallgarðar en austar og neðar í fylkinu er láglendara og skiptast á lágir, grónir ásar og dalir. Fylkið er allt skógi vaxið, upp að hæðarmörkum skóga í fjallendum. Þar tekur við heiðagróður.

Lengsta á Buskerud er Numedalslågen, en hún hefur upptök sín á Hörðalandi og rennur í Óslóarfjörð í Vestfold. Stærstu stöðuvötnin eru Tyrifjorden og Krøderen, en það fyrrnefnda er fimmta stærsta vatn Noregs.

Atvinna

Helstu atvinnuvegir í fylkinu eru landbúnaður, skógarhögg og alls kyns iðnaður auk þess sem þjónusta er vaxandi atvinnugrein. Stærsta borg og jafnframt aðsetur stjórnsýslu fylkisins er Drammen.

Skjaldarmerki

Skjaldarmerki Buskerud er blár björn á silfurgráum bakgrunni. Ástæðan er sú að fram á 8. áratug síðustu aldar voru margir bjarnarstofnar í fylkinu. Blái liturinn á að endurspegla kobaltbláa litinn sem framleiddur var í Modum en grái liturinn á að endurspegla silfurnámurnar í Kongsberg.

Sveitarfélög

Innan Buskerud er 21 sveitarfélag. Þau eru eftirfarandi:

1. Drammen
2. Flesberg
3. Flå
4. Gol
5. Hemsedal
6. Hol
7. Hole
8. Hurum
9. Kongsberg
10. Krødsherad
11. Lier
12. Modum
13. Nedre Eiker
14. Nes
15. Nore og Uvdal
16. Ringerike
17. Rollag
18. Røyken
19. Sigdal
20. Øvre Eiker
21. Ål

Tenglar

• Opinber vefsíða