Liga MX
Liga MX | |
|---|---|
| |
 Logoya Liga MX | |
| Dewlet | Meksîk  |
| Kanala orîjînal |
|
| Dema avabûnê |
|
| Cihê baregehê | |
| Malper | ligamx |
| |
biguhêre - Wîkîdaneyê biguhêre | |
Liga MX, ji ber sedemên sponsoriyê bi navê fermî Liga BBVA MX jî tê naskirin[1], lîgayek futbola profesyonel li Meksîkayê ye û asta herî bilind a pergala lîgayên fûtbolê ya Meksîkayê ye. Berê bi navê Liga Mayor (1943–1949) û Primera División de México (1949–2012) dihat naskirin. Di lîgayê de 18 yaneyên beşdar pêşbaziyê dibin. Xol li du turnuvayan tê parvekirin: Apertura (ji tîrmehê heta kanûnê) û Clausura (ji rêbendanê heta gulanê). Şampiyonên her turnuvayê bi rêya qonaxeke dawî ya derxistinê têne diyarkirin, ku bi gelemperî wekî Liguilla tê zanîn. Ji sala 2020an ve bilindbûna bo asta jor û daketina bo asta jêr hatiye rawestandin.
Lîga heta niha 115 caran hatiye lidarxistin. Yekemîn xola wê wekî lîgayeke profesyonel xola 1943–44 bû û Asturias di wê xolê de bû yekemîn şampiyon.
Liga MX niha di rêzkirina lîgayên CONCACAFê de di rêza yekem de cih digire.[2] Li gorî IFFHSê, ew di deh salên destpêkê yên sedsala 21an de di rêza dehemîn a lîgayên herî bihêz ên cîhanê de cih girt.[3] Li gorî CONCACAFê, Liga MX di xola 2014–15 de bi kêmzêde 25.557 temaşevanan herî zêde temaşevan di nav lîgayên futbolê yên her du Amerîkayan de dicivîne.[4][5]
Bîstûçar yane bi kêmanî carekê bûne şampiyon. América bi 16 şampiyoniyan li pêş e; Guadalajara û Toluca her yek 12 şampiyonî bi dest xistine; Cruz Azul 10 şampiyonî bi dest xistiye, û Tigres UANL û León jî her yek 8 şampiyonî bi dest xistine.[6]
Çavkanî
[biguhêre | çavkaniyê biguhêre]- ↑ Mediotiempo, Editorial (29 îlon 2026). "Liga BBVA MX hace oficial su cambio de nombre y logo". Mediotiempo (bi Mexican Spanish). Roja gihiştinê 29 îlon 2026.
- ↑ "Concacaf League Ranking". Concacaf (bi îngilîziya amerîkî). Roja gihiştinê 29 îlon 2026.
- ↑ "IFFHS (Fußball Historie & Statistiken)" (bi almanî). 10 nîsan 2020. Roja gihiştinê 29 îlon 2026.
- ↑ "Global attendances | Sporting Intelligence" (bi îngilîziya amerîkî). Roja gihiştinê 29 îlon 2026.
- ↑ Shea, Bill (11 sibat 2023). "What could top the Super Bowl on U.S. TV? Soccer, aliens and not much else". The New York Times (bi îngilîziya amerîkî). ISSN 0362-4331. Roja gihiştinê 29 îlon 2026.
- ↑ "Lista de campeones Liga MX: ¿Cuántos títulos tiene cada equipo del futbol mexicano? | TUDN Liga MX | TUDN". www.tudn.com (bi spanî). 30 çiriya pêşîn 2022. Roja gihiştinê 29 îlon 2026.
