Salierno

Nomme ufficiale

Salerno

Stato

Italia

Reggione

Campania

Pruvincia

Salierno

Estenzione

59,85 km²

Pupulazzione

125 041 (ISTAT, 31-5-2026)

Denzità

2089,24 ab./km²

'E riune

Centro: Centro Storeco, Carmene, Carmene Aveto;

Riune cullinare: Sala Abbagnano, Croce, Ogliara, S. Angelo ‘e Ogliara, Rufule, Surdina, Giove; Sciummo Irno: Irno, Fratte, Rione Petrosino, Torrione, Torrione Alto, Matierno, Pastorano, Cappelle;

Oriente: Pastena, Santa Margarita, Picarielle, Rione Italia, Rione Europa, Mercatello, Mariconda, Arbostella, Stadio, San Leonardo, Fuorne, Zona Ennustriale, Sant'Eustachio.

Commune vicini

Baronisse, Castiglione del Genovesi, Cava de' Tirreni, Giffoni Valle Piana, Pellezzano, Pontecagnano Faiano, San Cipriano Picentino, San Mango Piemonte, Vietre

Coordinate giugrafiche

40°40′00″N 14°46′00″E

Sinnaco

Vincenzo De Luca

Codice pustale

84100

Prefisso pe ttelefunà

089

Santo prutettore

San Matteo evangelista

Festa d'o patrono

21 'e settembre

Sito

comune.salerno.it

Localizzazione

Salierno

Salierno (pe taliano: Salerno) è nu comune ca fa 125 041 abbetante, e è uno de capoluoche ‘e provincia da Campania. Dinto passato fuje puro a capitale do Princepato Citra.

Giugrafia

Sta stesa, tantu storta, encopp'â vaja ca porta o stesso nomme, mmiez'â Custiéra Marfitana, ca se trova a punente, e â Costiera cilentana, ca se trova a meridione. Emmiez'â cità ce passa o sciummo Irno, ca antecamente era o cunfine a levante ‘e Salierno.

Storia

Nata primma do periodo de Rumane, dintô tiempo ell'Etrusche, è stata tenuta sottô pacchero primma de Rumane, po de Longobarde, e po de Nurmanne.

Ce nascette na scola ‘e miereche, a Scola Miereca Salernitana, ca funzionaje pe otto secule, do X, enzinô XIX, e vene cunsiderata a primma uneverzetà ‘e tutta l'Italia. A liggenda dice c‘a scola fuje funnata ‘a 4 miereche: n'arabo, n'ebbreo, nu latino e nu grieco (Adela, Elino, Salerno e Ponto).

Durante a Seconna Uerra Munniale, o 1943 ce fuje nu sbarco de surdate alliate ca libberarono a cità da e tetesche. Pe conseguenzia, l'anne appriesso da o 10 'e frevaro ô 15 'e luglio 1944 Salierno fuje capitale ell'Italia.

O duomo

O duomo ‘e Salierno è a chiesia chiù empurtante da cità e fuje fatta fà da o prencepe normanno Roberto il Guiscardo dinto sieculo XI.

A chiesia è dedicata à San Matteo Evangelista, ca è o santo prutettore da cità e ‘e spoglie soje stanno astipate dinta cripta da chiesia, abbascio all'altare. Dinta cripta nce sta puro na statua do santo sculpita da doje late annanze e areto.

A chiesia fuje puro sede papale ô tiempo do papa San Gregorio VII, ca sta sepolto pur'isso dinto duomo.